GÜRCÜSTAN JURNALİSTLƏRİNİN ETİRAZ AKSİYASI
AZƏRTAC-ın xüsusi müxbiri xəbər verir ki, jurnalistlər Gürcüstanın əksər qəzet və jurnallarının, o cümlədən ölkədə yeganə azərbaycandilli “Gürcüstan” qəzetinin də yerləşdiyi “Samşoblo” (“Vətən”) nəşriyyatı binasının İqtisadi İnkişaf Nazirliyi tərəfindən hərraca çıxarılmasına etiraz əlaməti olaraq yanvarın 17-də xəbərdarlıq aksiyası keçirmişlər.
Onlar nazirlikdən bu qərarı dayandırmağı, burada yerləşən 200-dək redaksiya və ayrı-ayrı idarə kollektivlərinin mənafeyini nəzərə almağı tələb edirlər. Jurnalistlər müraciətləri nəzərə alınmadığı təqdirdə, daha ciddi tədbirlərə əl atacaqlarını bildirmişlər.
Xatırladaq ki, nəşriyyat binasında üç minədək adam çalışır.
Bölmənin digər xəbərləri
