Gürcüstan parlamentinə yeni sədr seçilib
Tbilisi, 27 aprel, AZƏRTAC
Bu gün Gürcüstan parlamentinin iclasında təşkilati məsələyə baxılıb.
Hakim “Gürcü arzusu-demokratik Gürcüstan” Partiyasının Siyasi Şurasının üzvü, deputat Kaxa Kuçava Gürcüstan parlamentinin yeni sədri seçilib.
AZƏRTAC xəbər verir ki, qanunverici orqanın plenar iclasında onun namizədliyini 86 deputat dəstəkləyib, 6 deputat isə əleyhinə səs verib.
Qeyd edək ki, parlamentin keçmiş sədri Arçil Talakvadze aprelin 24-də istefa verib.
K.Kuçava 2016-cı ildən parlamentdə təmsil olunur. O, ötən ilin dekabrında parlamentin vitse-spikeri vəzifəsini tutub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
