Gürcüstan parlamentinin iclasında deputatlar arasında dava düşüb
Tbilisi, 6 mart, AZƏRTAC
Gürcüstan parlamentin hüquq komitəsinin martın 6-da keçirilən iclasında deputatlar arasında əlbəyaxa dava düşüb.
AZƏRTAC xəbər verir ki, dava “Xarici təsir agentlər” haqqında qanun layihəsinin müzakirəsi zamanı olub.
Dava “Gürcü Arzusu - Demokratik Gürcüstan” partiyasının deputatı Anri Oxanaşvili ilə müxalifəti təmsil edən deputatlar arasında yaşanıb. Qarşıdurmadan sonra “Ağmaşenebeli strategiyası”nın (“Strategiya Ağmaşenebeli”) lideri Giorgi Vaşadze və “Vahid Milli Hərəkat” partiyasının sədri Levan Xabeişvili iclas zalından çıxarılıblar.
Qeyd edək ki, hazırda Gürcüstan parlamentinin qarşısında da gərgin vəziyyət yaşanır. İctimai fəallar, QHT nümayəndələri və gənclər parlamentdə “Xarici təsir agentləri” haqqında qanun layihəsinin müzakirəsinə etiraz edirlər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
