Gürcüstan Prezidenti bir qrup azərbaycanlı gənclə görüşüb
Bakı, 18 aprel, AZƏRTAC
Gürcüstanın paytaxtı Tbilisi şəhərində Ana Dili Günü münasibətilə tədbir təşkil edilib. Tədbirdə Gürcüstan Azərbaycanlılarının İnteqrasiya Mərkəzinin (GAİM) bir qrup nümayəndəsi də iştirak edib.
Diasporla İş üzrə Dövlət Komitəsindən AZƏRTAC-a bildirilib ki, Gürcüstanın Prezident Administrasiyasında baş tutan tədbirin gedişində Prezident Salome Zurabişvili GAİM-in icraçı direktoru Orxan Pirverdiyev və müdavimləri ilə də görüşüb.
Görüşdə GAİM-in fəaliyyət istiqamətləri barədə Prezident Salome Zurabişviliyə ətraflı məlumat verilib.
Qeyd edək ki, Gürcüstan Azərbaycanlılarının İnteqrasiya Mərkəzi Diasporla İş üzrə Dövlət Komitəsinin dəstəyi ilə 2019-cu il aprelin 3-dən azərbaycanlıların sıx yaşadığı Marneuli rayonunda fəaliyyət göstərir.
Bölmənin digər xəbərləri
