Gürcüstan və ABŞ rəsmiləri transmilli cinayətkarlığa qarşı mübarizə ilə bağlı fikir mübadiləsi aparıblar
Tbilisi, 7 iyul, AZƏRTAC
Gürcüstanın Daxili İşlər Nazirliyinin Mərkəzi Cinayət Polisi Departamentinin direktoru Davit Kiknadze Amerika Birləşmiş Ştatlarının (ABŞ) Federal Təhqiqat Bürosunun (FTB) bu ölkədəki attaşesi ilə görüşüb.
AZƏRTAC xəbər verir ki, bu barədə Gürcüstan DİN-i məlumat yayıb.
Bildirilib ki, görüş zamanı tərəflər Gürcüstan DİN-i ilə FTB arasında əməkdaşlığı, tərəfdaşlığın daha da dərinləşdirilməsi imkanlarını, informasiya mübadiləsi mexanizmlərini, eləcə də gələcək birgə layihələri müzakirə edib. Həmçinin transmilli mütəşəkkil cinayətkarlıq, kibercinayətkarlıq və digər beynəlxalq çağırışlarla mübarizə məsələlərinə toxunulub.
Tərəflər əməkdaşlığı davam etdirməyə və mövcud tərəfdaşlığı daha da gücləndirməyə hazır olduqlarını təsdiqləyib.
Bölmənin digər xəbərləri
