Gürcüstanda 21 il axtarışda olan şəxs saxlanılıb
Tbilisi, 17 sentyabr, AZƏRTAC
Gürcüstanın Daxili İşlər Nazirliyinin (DİN) əməkdaşları əməliyyat-axtarış tədbirləri nəticəsində müxtəlif cinayətlərə görə axtarışda olan 1987-ci il təvəllüdlü şəxsi saxlayıblar.
AZƏRTAC xəbər verir ki, bu barədə Gürcüstan DİN məlumat yayıb.
Bildirilir ki, saxlanılan şəxs hüquq-mühafizə orqanları tərəfindən qəsdən sağlamlığa zərər vurma və cinsi xarakterli əməllər törətmək ittihamı ilə 2004-cü ildən axtarışda olub.
O, başqasının adına verilmiş pasportla sərhədi keçmək istəyərkən Tbilisi Beynəlxalq Hava Limanında tutulub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
