Gürcüstanda daha bir bank qarət olunub
Tbilisi, 27 noyabr, AZƏRTAC
Gürcüstanın paytaxtında daha bir bank qarət edilib. Sayca 4-cü olan soyğunçuluq hadisəsi noyabrın 27-də Tbilisinin Diğomi yaşayış massivində qeydə alınıb.
AZƏRTAC xəbər verir ki, silahlı şəxs “Gürcüstan bankı”nın ekspres filialına basqın edib. O, xeyli pul oğurlayaraq qaçıb. Nə qədər pulun oğurlandığı barədə açıqlama verilmir.
Hadisə zamanı xəsarət alan olmayıb. Polis faktla bağlı istintaq tədbirlərinə başlayıb.
Qeyd edək ki, son bir ayda Gürcüstanda 4 bank qarət edilib, bir maliyyə kredit təşkilatının ofisinə isə hücum olub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
