Gürcüstanda koronavirusa yoluxan tibb işçilərinin sayı 5 minə çatıb
Tbilisi, 28 noyabr, AZƏRTAC
Gürcüstanda tibbi işçiləri arasında koronavirusa yoluxma halları artıb. Noyabrın 27-dək ölkədə COVID-19-a yoluxan tibb işçilərinin sayı 5 minə çatıb.
AZƏRTAC xəbər verir ki, bu barədə ölkənin səhiyyə nazirinin müavini Tamar Qabuniya məlumat verib.
Onun sözlərinə görə, tibb işçiləri koronavirusa daha çox ev şəraitində yoluxublar.
Nazir müavini bildirib ki, səhiyyə işçiləri arasında COVID-19-a ən çox yoluxma halları sentyabr ayının sonunda qeydə alınıb. Onların böyük əksəriyyəti artıq sağalaraq işə qayıdıblar.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
