Gürcüstanda koronavirusa yoluxma halları yenidən artıb

Tbilisi, 19 yanvar, AZƏRTAC

Gürcüstanda koronavirusa yoluxma halları yenidən artıb. Son sutka ərzində ölkədə daha 1550 nəfərdə COVID-19 virusu təsdiqlənib.

AZƏRTAC xəbər verir ki, bu barədə Gürcüstan hökumətinin rəsmi stopogov.ge saytında məlumat yerləşdirilib.

Bildirilir ki, son 24 saat ərzində 494 nəfər koronavirusdan müalicə olunaraq sağalıb, 15 nəfər isə pandemiyanın qurbanı olub.

Ölkədə COVID-19-a yoluxanların ümumi sayı 249 min 465-ə, sağalanların sayı 235 min 130-a, pandemiya qurbanlarının sayı isə 2973-ə çatıb.

Hazırda ölkə üzrə karantin rejimində 472, stasionar nəzarətdə 3 656 nəfər var. Daha 563 nəfər isə xüsusi otellərdə tibbi nəzarətdə saxlanılır.

Xətayi Əzizov

AZƏRTAC-ın xüsusi müxbiri

Tbilisi

MÜƏLLİFLƏ ƏLAQƏ