GÜRCÜSTANDA LEYSAN YAĞIŞLARI İNSAN TƏLƏFATINA SƏBƏB OLMUŞDUR
AZƏRTAC-ın xüsusi müxbiri xəbər verir ki, Gürcüstanda araverməyən güclü leysan yağışları dağ çaylarını məcrasından çıxarıb Böyük Qafqazın güney yamacındakı etnik çeçenlərin məskunlaşdığı Axmeta rayonuna ciddi ziyan vurmuşdur.
Pankisi dərəsində torpaq sürüşməsi nəticəsində ata-oğul Omar və Ərbi Acişvililər və Aleko Tedeşvili həlak olmuşlar. Şahidlərin dediyinə görə, xeyli axtarışdan sonra onların cəsədlərini tapmaq mümkün olmuşdur.
Leysan yağışları Gürcüstanda 3 gün ara vermədən yağmışdır. Qərbi Gürcüstanda məcrasından çıxan çaylar yolları və körpüləri dağıtmışdır. Qara dənizin çoxalan suyu Poti şəhərində evlərin 1-ci mərtəbəsini basmışdır. Daşqın nəticəsində Salencixa rayonu ətraf aləmdən tərcid olunmuşdur.
Hazırda hökumət dəyən ziyanın ödənilməsi sahəsində tədbirlər görür. Gürcüstan parlamentinin sədri David Bakradze bir neçə deputatla Pankisidərəsinə gedərək vəziyyətlə tanış olmuşdur.
Bölmənin digər xəbərləri
