Gürcüstanın mülki aviasiyasında məhsuldarlıq 60 faiz azalıb
Tbilisi, 8 dekabr, AZƏRTAC
Gürcüstanın hava limanlarının məhsuldarlıq göstəriciləri son 10 ayda 60 faiz, sərnişin daşınması isə 82 faiz azalıb.
AZƏRTAC xəbər verir ki, bu barədə Gürcüstan Mülki Aviasiya Agentliyi məlumat yayıb.
Agentliyin direktoru Levan Kapanadze Beynəlxalq Mülki Aviasiya Günü ilə əlaqədar təşkil olunmuş tədbirdə deyib ki, aviasiya sahəsi bu il çox ciddi mənfi təsirlərə məruz qalıb.
Onun sözlərinə görə, COVID-19 pandemiyası dövründə aviasiya sənayesi çox böyük itkilər verib. Təkcə Gürcüstanın mülki aviasiyası cari ilin yanvar-oktyabr aylarında böyük itkilərlə üzləşib. On ay ərzində uçuş və enmə prosesləri 60 faiz, sərnişin daşınmaları 82 faiz azalıb.
Agentliyin rəhbəri deyib ki, bununla belə, aviasiya nəqliyyat sahəsində ən təhlükəsiz vasitə olaraq qalıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
