Gürcüstanın sabiq müdafiə naziri 10 il müddətinə azadlıqdan məhrum edilib
Tbilisi, 23 aprel, AZƏRTAC
Aprelin 23-də Tbilisi Şəhər Məhkəməsində keçmiş müdafiə naziri Cuanşer Burçuladze, onun keçmiş müavini Giorgi Xaindrava, Burçuladzenin qaynı Vasil Mxeidze və Müdafiə Nazirliyinin Təchizat Departamentinin keçmiş rəisi Vladimir Quduşaurinin son məhkəmə iclası keçirilib.
AZƏRTAC xəbər verir ki, Məhkəmə həmin 4 şəxsi təqsirli bilib.
Məhkəmənin hökmü ilə Cuanşer Burçuladze əmlakı müsadirə olunmaqla 10 il müddətinə azadlıqdan məhrum edilib.
Giorgi Xaindrava və Vasil Mxeidze 8 il müddətinə azadlıqdan məhrum olunublar.
Müdafiə Nazirliyinin Təchizat Departamentinin keçmiş rəisi Vladimir Quduşauri isə 4 il müddətinə şərti azadlıqdan məhrum edilib, 10.000 lari məbləğində cərimə olunub.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
