GÜRCÜSTANIN SAMTSXE-CAVAXETİ BÖLGƏSİNDƏ ERMƏNİLƏRİN NARAZILIĞI ARTIR
Rəsmi Tbilisi bu hadisələrə münasibətini hələlik açıqlamır. Ekspertlər isə vaxtında bölgədə separatçılığın qarşısının alınmadığı təqdirdə ölkə üçün yeni münaqişə ocağının yaranmasının qaçılmaz olduğunu deyirlər.
Bölgədəki gürcü kilsəsində təmir işləri aparmağa gələn tələbələri döydükdən sonra ermənilər Gürcüstan-Ermənistan sərhədindəki gömrük-buraxılış məntəqəsinin gürcü əməkdaşlarını qovaraq, məntəqənin bir hissəsini yandırmış, qanunsuz ticarət köşklərində yoxlama aparan Vergi Departamentinin əməkdaşları ilə toqquşmuşlar. İndi isə ermənilər Ninosminda rayon mərkəzində açılan uşaq evinin əleyhinə çıxırlar. Onlar ermənilərin məskunlaşdığı Cavaxkın (ermənilər Samtsxe-Cavaxeti bölgəsini belə adlandırırlar) mərkəzində gürcü yetimləri üçün uşaq evinin açılmasına etiraz edirlər. Ermənilərin “Cavaxk” ictimai təşkilatlar birliyi parlamentin sədri Nino Burcanadzedən “Gürcüstan Federasiyası tərkibində Cavaxka müxtariyyət verilməsi” məsələsini parlamentin gündəliyinə salınmasını tələb etmişlər.
Bölmənin digər xəbərləri
