Gürcüstanın xarici siyasətinin növbəti 10 il üçün prioritetləri açıqlanıb
Tbilisi, 19 noyabr, AZƏRTAC
Qonşu dövlətlərlə balanslaşdırılmış, qarşılıqlı faydalı regional siyasətin aparılması Gürcüstanın xarici siyasətinin prioritetlərindən biridir.
AZƏRTAC xəbər verir ki, bu barədə Gürcüstanın xarici işlər naziri David Zalkaliani parlamentdəki çıxışı zamanı söyləyib.
D.Zalkaliani ölkəsinin növbəti 10 il üçün ölkəsinin xarici siyasətinin əsas prioritetlərini açıqlayıb.
Bildirib ki, ölkə ərazilərinin işğaldan azad olunması və inkişafı, 2024-cü ilədək Avropa İttifaqına üzvlüklə bağlı müraciət edilməsi, NATO-ya üzvlük, Avropa İttifaqı ilə əlaqələrin daha da dərinləşdirilməsi, Şimal qonşularla münasibətlərin normallaşdırılması və digər məsələlər prioritetlər sırasındadır.
Bundan başqa, enerji dəhlizinin, ticarət şəbəkəsinin şaxələndirilməsi və inkişafı da Gürcüstan üçün əsas hədəflərdəndir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
