HASİLAT VƏ TƏHVİL PROQNOZUNA ARTIQLAMASI İLƏ ƏMƏL OLUNMUŞDUR
Müştərək müəssisələr və əməliyyat şirkətləri bu ilin iyun ayında neft hasilatı üzrə proqnozu artıqlaması ilə yerinə yetiriblər. Azərbaycan Dövlət Neft Şirkətindən muxbirimizə bildirmişlər ki, həmin müəssisə və şirkətlərin neftçiləri ay ərzində 61 min 700 ton əvəzinə 70 min 300 ton neft çıxararaq, proqnoza 113,9 faiz əməl etmişlər. İlin ilk altı ayı ərzində isə neftçilər 372 min ton əvəzinə 422 min 500 ton, yəni keçən ilin müvafiq dövrünə nisbətən 51 min 200 ton əlavə “qara qızıl” hasil etmişlər. Müştərək müəssisələr və əməliyyat şirkətləri neftin təhvilində də fərqlənmişlər.
Bölmənin digər xəbərləri
