Hemilton Almaniya Qran-Prisi zamanı komandasından yürüşdən çıxmağı xahiş edib
Bakı, 29 iyul, AZƏRTAC
“Mercedes” komandasının britaniyalı pilotu Luis Hemilton öz komandasına Formula 1 Almaniya Qran-Prisi yürüşündən çıxmağı təklif edib.
AZƏRTAC xəbər verir ki, bu fakt F1 TV servisinin videoyazısı sayəsində məlum olub. Qəzadan və uzun sürən pit-stopdan sonra özünü pis hiss edən britaniyalı yürüşün sonuna yaxın ondan çıxmağı mühəndisdən xahiş edib. O, yeni “soft” şin dəstinə görə bokslara daxil olmaq komandasına bu şəkildə reaksiya verib.
Lakin Hemiltonun mühəndisi pilotun təklifi ilə razılaşmayıb: “Luis, cavab mənfidir. İmkan həmişə var”, - deyə ona cavab verib.
Piter Bonninqton haqlı çıxıb. Hemilton yürüşü 11-ci yerdə başa çatdırsa da, “Alfa Romeo” komandasının hər iki pilotu üçün 30 saniyəlik cərimədən sonra doqquzuncu mövqeyə yüksəlib və iki xal qazanıb.
Bölmənin digər xəbərləri
