HƏMYERLİMİZİN KİTABI RUMINİYADA TƏQDİM OLUNMUŞDUR
“İşıq qanadlı quş” şeirlər toplusu Azərbaycanın Rumıniyadakı səfirliyinin və Rumıniya-Azərbaycan Dostluq Cəmiyyətinin təşəbbüsü və dəstəyi ilə Buxarest Universitetinin professoru Nevzat Yusuf tərəfindən rumın dilinə tərcümə olunmuşdur. Nevzat Yusufun “Mavi Dunay simfoniyası” kitabını isə Azərbaycan dilinə Elçin İsgəndərzadə çevirmişdir.
Buxarest Universiteti professorlarının, Rumıniya-Azərbaycan Dostluq Cəmiyyətinin, Rumıniya-Azərbaycan Ticarət və Sənaye Palatasının, “Paul-Polidor” Fondu sədri və rəyasət heyəti üzvlərinin, burada yaşayan və təhsil alan azərbaycanlıların, KİV nümayəndələrinin iştirakı ilə keçirilən tədbirdə E.İsgəndərzadə yaradıcılığı və təqdim olunan kitabının yazılma prosesi barədə məlumat vermişdir. Cıxış edənlər kitabda Azərbaycanın əbədi və əzəli torpağı olan Dağlıq Qarabağa, doğma yurda sevgi, vətən həsrəti və qələbə ruhuna köklənmiş şeirlərin də yer aldığını diqqətə çarpdırmışlar.
Bölmənin digər xəbərləri
