HEYDƏR ƏLİYEV SİYASƏTİNİN ALTERNATİVİ YOXDUR
İştirakçılar Fəxri xiyabanda ümummilli liderimiz Heydər Əliyevin və Şəhidlər xiyabanında torpaqlarımızın bütövlüyü uğrunda canlarından keçmiş qəhrəman övladlarımızın məzarlarını ziyarət etmiş, əklil qoymuş və onların ruhuna dua oxumuşlar.
Milli Məclisin deputatları, iqtisadçı alimlər, neft üzrə mütəxəssislər və digərləri dəyirmi masada çıxış edərək, 1994-cü ildə Azərbaycanda baş vermiş ictimai-siyasi prosesləri şərh etmiş, “Əsrin müqaviləsi”nin tarixi əhəmiyyətindən və əldə olunan uğurlardan danışmışlar. Heydər Əliyevin uzaqgörən neft siyasəti Azərbaycanın dövlət müstəqilliyinin müqəddəratını həll edən əsas amil kimi dəyərləndirilmişdir. Qeyd olunmuşdur ki, artıq hər bir Azərbaycan vətəndaşı neft strategiyasının bəhrəsini öz həyatında hiss edir.
Natiqlər vaxtilə neft siyasəti barədə əsassız fikirlər söyləyərək ictimaiyyəti çaşdırmağa cəhd edənlərin ifşa olunduğunu diqqətə çatdırmış və bildirmişlər ki, bünövrəsi dahi rəhbərimiz Heydər Əliyev tərəfindən qoyulan və Prezident İlham Əliyevin uğurla davam etdirdiyi neft strategiyasının alternativi yoxdur.
Bölmənin digər xəbərləri
