Hindistanda COVID-19-a yoluxmada yeni antirekord qeydə alınıb
Pekin, 22 avqust, AZƏRTAC
Hindistanda ötən sutka ərzində COVID-19 infeksiyasına 69 min 878 yoluxma qeydə alınıb. Bununla da ölkədə virusa yoluxanların ümumi sayı 2 milyon 975 min 701 nəfərə çatıb.
AZƏRTAC Hindistanın Federal Səhiyyə Nazirliyinə istinadla xəbər verir ki, ötən sutka ölkədə COVID-19 səbəbindən 945 ölüm baş verib. İndiyədək Hindistanda 55 min 794 nəfər bu virus səbəbindən ölüb. Virusa yoluxanların 74 faizinin sağaldığı bildirilir. Gündəlik test sayı isə bir milyondan çoxdur.
Ötən gün dünyada gündəlik ən çox yoluxma da məhz Hindistanda qeydə alınıb.
Qeyd edək ki, Hindistan COVID-19 virusuna yoluxanların sayına görə, ABŞ və Braziliyadan sonra 3-cü sıradadır. Ən pis vəziyyət Maharştra və Tamil Nadu ştatlarında, paytaxt Dehlidədir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
