Humanitar Forum bu dəfə Küveyt mediasının diqqət mərkəzində
Bakı, 13 oktyabr (AZƏRTAC). Xarici ölkələrin kütləvi informasiya vasitələri oktyabrın 2-3-də keçirilmiş IV Bakı Beynəlxalq Humanitar Forumunu diqqət mərkəzində saxlamaqda davam edir. Bu dəfə Küveytin aparıcı qəzetləri, televiziya kanalları, xəbər portalları Forum və onun çərçivəsində keçirilən görüşlər haqqında məqalələr, reportajlar, müsahibələr yayıb.
Azərbaycanın Küveytdəki səfirliyindən AZƏRTAC-a verilən məlumata görə, materiallarda Forumun yüksək səviyyədə təşkili, burada səmərəli müzakirələrin aparıldığı, maraqlı fikirlərin səsləndirildiyi qeyd olunub. Forumda tanınmış ictimai-siyasi xadimlər, sabiq dövlət başçıları, Nobel mükafatçıları, aparıcı media təmsilçiləri daxil olmaqla 60-dan artıq ölkədən 500-ə yaxın qonağın iştirakının bu tədbirin nə dərəcədə önəm kəsb etməsinin bariz göstəricisi olduğu diqqətə çatdırılıb.
Bölmənin digər xəbərləri
