İki həftə ərzində “icaze.e-gov.az portalı vasitəsilə 700 minə yaxın icazə alınıb
Bakı, 3 iyul, AZƏRTAC
İki həftəlik sərtləşdirilmiş xüsusi karantin rejimi ərzində 66 minə yaxın dövlət və özəl təşkilat öz əməkdaşları üçün “icaze.e-gov.az” portalı vasitəsilə 700 minə yaxın icazə alıb.
AZƏRTAC xəbər verir ki, bu barədə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bu gün keçirilən brifinqdə məlumat verib.
Agentliyin sədri bildirib ki, bəzi təşkilatlar bu imkandan sui-istifadə ediblər. Belə ki, zərurət olmadığı hallarda əməkdaşlara icazələr alınıb. Bundan başqa, icazə verilən əməkdaşlardan təyinatı üzrə istifadə etməyənlər də olub. Buna görə də sonradan 85 minə yaxın icazə ləğv edilib və aidiyyəti qurumlara bununla bağlı məlumat göndərilib.
Bölmənin digər xəbərləri
