İki ildə İstanbulun yeni hava limanından 72 milyondan çox sərnişin istifadə edib
İstanbul, 12 noyabr, AZƏRTAC
Türkiyə tarixinin ən böyük layihələrindən biri olan İstanbulun yeni hava limanının istifadəyə verilməsindən iki il ötür. Bu müddət ərzində dünyanın ən böyük aeroportlarından biri olan İstanbul hava limanından 72 milyon 95 min 138 sərnişin istifadə edib.
AZƏRTAC xəbər verir ki, bu sərnişinlərdən 52 milyon 966 min 610-u xarici, 19 milyon 128 mini isə daxili reyslərdən istifadə edib. Pandemiyaya baxmayaraq, ötən 2 il ərzində İstanbul hava limanından 485 min 971 reys həyata keçirilib ki, onların da 351 min 800-ü xarici reyslər olub.
Ümumilikdə 76,5 milyon kvadratmetr ərazidə inşa edilən aeroport bir çox sahələr üzrə dünyada ilklərə imza atıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
