İKİ ÖLKƏNİN PREZİDENTLƏRİ AZƏRBAYCANIN RUS İCMASININ II QURULTAYINA FƏXRİ NÜMAYƏNDƏ SEÇİLMİŞLƏR
Bu regional təşkilatın şura sədri Valeri Kozin konfransı açdıqdan sonra onun müavini, “Novosti Qyandji” qəzetinin baş redaktoru İrina Kalaşnikova görülmüş iş haqqında hesabat məruzəsi ilə çıxış etmişdir.
Məruzədə, habelə konfrans iştirakçılarının çıxışlarında hesabat dövründə icmanın əsas vəzifələrindən və fəaliyyətinin yekunlarından danışmışdır. Qeyd olunmuşdur ki, ümummilli liderimiz Heydər Əliyevin yenidən Azərbaycan rəhbərliyinə qayıdışından sonra rus icması ölkədə vətəndaş cəmiyyəti quruculuğunda fəal iştirak etmək imkanı qazanmışdır. İcma və onun regional şöbələri Azərbaycanın Rusiya ilə hərtərəfli əməkdaşlığı üçün də bütün mümkün işləri görürlər.
Konfransda Azərbaycanın rus icmasının sədri, Milli Məclisin deputatı Mixail Zabelin, “Azərbaycan oğulları” ədəbi seriyasının baş redaktoru, rus icması sədrinin müavini Viktor Tatarenko da çıxış etmişlər.
Sonda Azərbaycanın rus icmasının II qurultayına Gəncə şəhərindən və qərb bölgəsindən nümayəndələr seçilmişdir.
Konfrans iştirakçıları Azərbaycan Respublikasının Prezidenti İlham Əliyevi və Rusiya Federasiyasının Prezidenti Vladimir Putini rus icmasının II qurultayına yekdilliklə fəxri nümayəndə seçmişlər.
Bölmənin digər xəbərləri
