İkinci Rusiya-Özbəkistan Regionlararası Forumunda 8,9 milyard dollar dəyərində sazişlər imzalanıb

18.11.2021 [19:46]
Çap et
A⁺ A^-

Daşkənd, 18 noyabr, AZƏRTAC

Moskvada keçirilən ikinci Rusiya-Özbəkistan Regionlararası Forumunun nəticələrinə əsasən, 8,9 milyard dollar dəyərində sazişlər imzalanıb.

AZƏRTAC Özbəkistan mətbuatına istinadla xəbər verir ki, sazişlər ticarət-iqtisadi, sosial inkişaf, infrastruktur, rəqəmsal texnologiyaların tətbiqi, neft-qaz, metallurgiya, energetika, kimya sənayesi, elektrotexnika, əczaçılıq, kənd təsərrüfatı, toxuculuq, bank-maliyyə, nəqliyyat əlaqələrinin genişləndirilməsi, turizm və digər sahələrdə birgə layihələrin həyata keçirilməsini nəzərdə tutur.

141 investisiya layihəsinə 7,4 milyard, 455 ixrac müqaviləsinə 1,6 milyard dollar həcmində sərmayə qoyulacaq. Bundan başqa, ölkələrin regionları arasında 75 yeni investisiya layihəsinin yerinə yetirilməsi də razılaşdırılıb.

Qulu Kəngərli

AZƏRTAC-ın xüsusi müxbiri

Daşkənd