İmişlidə ölümlə nəticələnən yol-nəqliyyat hadisəsi baş verib
İmişli, 6 yanvar, Mahir Babayev, AZƏRTAC
İmişlidə bir nəfərin ölümü, iki nəfərin xəsarət alması ilə nəticələnən yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə rayonun Bəcrəvan-Cavadxan yolunda qeydə alınıb. Rayon sakini 1982-ci il təvəllüdlü Mirzəyev Elməddin Ərəstun oğlunun idarə etdiyi “Mercedes” markalı avtomobil yoldan çıxaraq aşıb. Nəticədə sürücü hadisə yerində həlak olub. Avtomobildə olan sərnişinlər - Qaravəlli kənd sakini 2002-ci il təvəllüdlü Şükürov Bayandır Dünyamalı oğlu və Mirili kənd sakini 1974-cü il təvəllüdlü Hüseynov Nüsrət Adış oğlu müxtəlif dərəcəli xəsarətlərlə Şirvan Şəhər Mərkəzi Xəstəxanasına yerləşdiriliblər.
Faktla bağlı araşdırma aparılır.
Bölmənin digər xəbərləri
