İnformasiya Texnologiyaları İnstitutunda antiplagiat xidməti yaradılacaq
Bakı, 31 yanvar, AZƏRTAC
Azərbaycan Milli Elmlər Akademiyası (AMEA) İnformasiya Texnologiyaları İnstitutunda antiplagiat xidməti yaradılacaq.
Bu barədə elmi şuranın növbəti iclasında məlumat verilib.
İnstitutdan AZƏRTAC-a bildirilib ki, iclasda AMEA-nın akademik-katibi, İnformasiya Texnologiyaları İnstitutunun direktoru, akademik Rasim Əliquliyev antiplagiat sistemlərinin elmi-tədqiqat və təhsil müəssisələrində tətbiqinin plagiatlıqla mübarizə baxımından xüsusi əhəmiyyətə malik olduğunu diqqətə çatdırıb. Alim, həmçinin ölkəmizdə milli antiplagiat sisteminin yaradılmasının zəruriliyini vurğulayıb.
Antiplagiat sahəsində elmi-tədqiqatların aparılmasının vacibliyini qeyd edən akademik institutda bu istiqamətdə tədqiqatların daha da dərinləşdirilməsinin əhəmiyyətini bildirib.
Bölmənin digər xəbərləri
