İngiltərə Premyer Liqası: “Tottenhem” səfərdə böyük hesabla qələbə qazanıb
Bakı, 20 sentyabr, Nicat Məmmədov, AZƏRTAC
Sentyabrın 20-də futbol üzrə İngiltərə Premyer Liqasında II turun bir oyunu keçirilib.
AZƏRTAC xəbər verir ki, çempionatın iddialı klublarından sayılan “Tottenhem” səfərdə “Southemton” komandasını qonağı olub. Görüş qonaqların 5:2 hesablı qələbəsi ilə başa çatıb.
London təmsilçisinin heyətində Son Xın-Min (4), Hari Keyn fərqləniblər. “Southemton”un hər iki qolunu isə Denni İnqs vurub.
Premyer Liqanın birinci turunda “Southemton” səfərdə “Kristal Palas”a, “Tottenhem” isə öz meydanında “Everton”a 1:0 hesabı ilə məğlub olmuşdu.
Bölmənin digər xəbərləri
