İNGİLTƏRƏDƏ ÇEYNƏNMİŞ SAQQIZI YERƏ ATANLAR CƏRİMƏ OLUNACAQ

03.08.2004 [12:12]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, İngiltərədə çeynənmiş saqqızı yerə atan şəxsi dərhal 90 dollar cərimə edəcəklər. Hökumətin hazırladığı qanun layihəsində çeynənmiş saqqız zibil elan olunur və polisə onu yerə atanı cərimə etmək hüququ verilir. Əgər həmin şəxs öz adını və ünvanını bildirməkdən imtina edirsə, cərimənin məbləği təqribən 2 min dollaradək artırılır.

Belə ağır cəza tədbirlərinin izahı çox sadədir: İngiltərədə şəhər küçələrinin saqqızdan təmizlənməsinə hər il təxminən 1 milyard dollar xərclənir. Londonun mərkəzindəki Vestminsterdə 1 kvadratmetrə atılmış 20 saqqız düşür. Küçələrin təmizlənməsinə çəkilən xərc Böyük Britaniyada satılan bütün saqqızın qiymətindən iki dəfə çoxdur.

Qanun layihəsində cəza tədbirləri ilə yanaşı, reklam kampaniyasına vəsait ayrılması da nəzərdə tutulmuşdur.