İngiltərənin titullu klubu mövsümü xalsız başa vuraraq aşağı liqaya düşüb
Bakı, 5 may, AZƏRTAC
“Şeffild Uensdey” klubu İngiltərə Çempionşipinin 46-cı turunda “Vest Bromviç Albion” üzərində 2:1 hesablı qələbə qazanaraq mövsümü xalsız başa vurub.
AZƏRTAC xəbər verir ki, daha əvvəl maliyyə feyr-pley qaydalarını pozduğuna görə komandanın hesabından 18 xal silinmişdi. Dekabrın əvvəlində aşağı liqa təmsilçisinin xallarının sayı -10, son turadək isə -3 idi. Mövsümün sonuncu oyununda qazanılan qələbə sayəsində Şeffild təmsilçisi mənfi xallardan xilas olub.
Bu nəticə İngiltərə Futbol Liqası (Çempionşip, Liqa 1 və Liqa 2) tarixində ən zəif göstəricilərdən biri kimi qeydə alınıb.
Qeyd edək ki, “Şeffild Uensdey” İngiltərə çempionatının dördqat qalibi, ölkə kubokunun üçqat sahibi, həmçinin Liqa kubokunun qalibidir.
Bölmənin digər xəbərləri
