İNTELLEKTUALLAR ACARİYADA GÖRÜŞƏCƏKLƏR
AZƏRTAC xəbər verir ki, iyulun 11-də Batumidə “Nə? Harada? Nə vaxt?”, “Breyn-rinq”, “Öz oyunun” və “Erudit-sekstet” intellektual oyunlarının X Cənubi Qafqaz çempionatı başlanmışdır. Baş sponsor “Bank Qruzii” bankının mükafatı uğrunda Azərbaycan, Gürcüstan və Ermənistandan 40-dan çox komanda mübarizə aparır.
Münsiflər heyətinə tanınmış intellektuallar Aleksandr Druz (Sankt-Peterburq), Boris Burda (Odessa), Aleksandr Rubin (Moskva) daxildirlər. Oyunları Leonid Qlimoviç (Qomel) aparır.
Acariya Təhsil, Mədəniyyət və İdman Nazirliyinin dəstəyi ilə təşkil olunan çempionat iyulun 13-də başa çatacaqdır.
Bölmənin digər xəbərləri
