İordaniyalı akademik: Rusiya və Azərbaycan prezidentləri iki ölkənin münasibətlərini müttəfiqlik səviyyəsində qaldırıblar
Qahirə, 1 mart, AZƏRTAC
Azərbaycan Prezidenti İlham Əliyevin Rusiyaya rəsmi səfəri zamanı rusiyalı həmkarı Vladimir Putin ilə imzaladığı müttəfiqlik qarşılıqlı fəaliyyəti haqqında Bəyannamə iki ölkənin münasibətlərində yeni mərhələnin başlanğıcı olub. Azərbaycan və Rusiya prezidentləri münasibətləri müttəfiqlik səviyyəsinə qaldırıblar.
AZƏRTAC xəbər verir ki, bu fikirləri iordaniyalı akademik Mərvan Suda İordaniyanın “Əl Ənbat” qəzetində, həmçinin Əlcəzairin “Əl Hərir” və İraqın ANN portallarında dərc olunmuş məqaləsində yazıb.
Məqalədə qeyd olunub ki, Prezident İlham Əliyevin mətbuata bəyanatında iki ölkə arasında çox geniş hüquq-müqavilə bazasının olduğunu, 245 sənəd imzalandığını diqqətə çatdırıb. Azərbaycanın dövlət başçısı vurğulayıb ki, bu sənədlərin arasında səfər zamanı imzalanmış Bəyannamə xüsusi əhəmiyyət kəsb edir və münasibətləri müttəfiqlik səviyyəsinə çıxarır.
Müəllif ərəbdilli oxuculara Azərbaycan Prezidentinin səfəri çərçivəsində TASS agentliyində təşkil olunmuş görüş, habelə Rusiyanın nüfuzlu mətbu orqanlarında iki ölkənin prezidentlərinin imzaladıqları Bəyannamənin əhəmiyyəti barədə dərc olunmuş məqalələr haqqında da məlumat verib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
