İrakli Kobaxidze: Avropa bürokratiyası fəlakətə doğru gedir
Tbilisi, 14 oktyabr, AZƏRTAC
Gürcüstanın Baş naziri İrakli Kobaxidze jurnalistlərə açıqlamasında Avropa bürokratiyasını kəskin tənqid edib.
AZƏRTAC xəbər verir ki, hökumət başçısı xüsusilə yetkinlik yaşına çatmayanların cinsiyyətinin dəyişdirilməsi məsələsinə toxunaraq bu mövzuda mühakimə yürütməyin çətin olduğunu bildirib.
“Mən hətta yetkinlik yaşına çatmayanların cinsiyyətinin dəyişdirilməsi ilə bağlı necə mühakimə yürüdəcəyimi də bilmirəm. Siz Avropa bürokratiyasının hansı fəlakətə doğru getdiyini və Avropanın inkişafını necə fəlakətə sürüklədiyini görürsünüz. Bu, böyük faciədir və biz belə proseslərə qarşı qətiyyətlə çıxmalıyıq. Avropa bürokratiyası istəsə də, bu cür hadisələrə ölkəmizdə heç bir halda icazə verilməyəcək”,- deyə İrakli Kobaxidze vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
