İrakli Kobaxidze: Gürcüstana gətirilən heksogen maddənin arxasında Ukraynanın xüsusi xidmət orqanları dayanır
Tbilisi, 15 sentyabr, AZƏRTAC
“Gürcüstana gətirilən heksogen maddənin arxasında Ukraynanın xüsusi xidmət orqanları dayanır. Partlayıcı onların göstərişi ilə Gürcüstana gətirilib və bu, çox təəssüf doğurur”.
AZƏRTAC xəbər verir ki, bu sözləri jurnalistlərə açıqlamasında Gürcüstanın Baş naziri İrakli Kobaxidze söyləyib.
Hökumət başçısının sözlərinə görə, Gürcüstan dövlətinə qarşı belə kobud münasibət çox təəssüf doğurur:
“Biz Ukraynanın yüksəkrütbəli rəsmilərinin Gürcüstanda ikinci cəbhə açmaq istədikləri barədə eşitmişik. Bu münasibət təəssüf doğurur. Biz Ukraynada yaranmış vəziyyətə əsaslanaraq birtərəfli dostluq rejimində qalırıq. Təəssüf ki, qarşı tərəfdən bunun əksini görürük”.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
