İran ilə Rusiya COVID-19-a qarşı birgə vaksin istehsal edəcəklər
Tehran, 30 yanvar, AZƏRTAC
İran koronavirusa qarşı mübarizə çərçivəsində Rusiya istehsalı olan “Sputnik-V” vaksinindən istifadə edəcək.
AZƏRTAC xəbər verir ki, bu barədə İranın Rusiyadakı səfiri Kazım Cəlali məlumat verib. Onun sözlərinə görə fevralın 2-də Rusiya vaksininin ilk partiyası İrana gətiriləcək.
Səfir onu da nəzərə çatdırıb ki, Rusiyanın müvafiq qurumları ilə “Sputnik-V” vaksininin İran ilə birgə istehsalı barəsində danışıqlar aparılacaq. Gələn həftə İranın nümayəndə heyəti Rusiyaya gələrək vaksinin birgə istehsalı barədə məsləhətləşmələr aparacaq.
İranın Prezident Administrasiyasının rəhbəri Mahmud Vaezi isə bildirib ki, Rusiyadan vaksinin alınması və birgə istehsalı haqqında müqavilə imzalanacaq.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
