İrana qarşı yeni sanksiyalar tətbiq olunub
Tehran, 19 noyabr, AZƏRTAC
ABŞ-ın Maliyyə Nazirliyi İrana qarşı yeni iddialar irəli sürərək 6 hüquqi şəxsin və 1 innovasiya şirkətinin adını sanksiyalar siyahısına əlavə edib.
AZƏRTAC xəbər verir ki, məsələyə münasibət bildirən İranın Xarici İşlər Nazirliyinin rəsmi nümayəndəsi Səid Xətibzadə ABŞ-ın irəli sürdüyü iddiaları uydurma, tətbiq etdiyi sanksiyaları isə qanunsuz hesab edib. O bildirib ki, İrana qarşı tətbiq edilən sanksiyalar siyasi xarakter daşıyır və beynəlxalq hüquq normalarının pozulması ilə müşayiət olunur. İranın heç bir şirkəti ABŞ-da keçirilən son prezident seçkilərinə müdaxilə etməyib.
Qeyd edək ki, ABŞ prezident seçkiləri zamanı İranın innovasiya şirkətinin seçki məntəqələrinə haker hücumu təşkil etdiyini iddia edir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
