İranda “Koronavirusa qalib gələk” beynəlxalq karikatura müsabiqəsi keçirilib

21.08.2020 [14:35]
Çap et
A⁺ A^-

Tehran, 21 avqust, AZƏRTAC

İranın Mədəniyyət və İslam İrşad Nazirliyinin təşkilatçılığı ilə “Koronavirusa qalib gələk” mövzusunda keçirilən beynəlxalq karikatura müsabiqəsinə 88 ölkədən 4 min 200 əsər daxil olub.

AZƏRTAC xəbər verir ki, bu barədə tədbirin təşkilat komitəsinin üzvü Məsud Təbatəbayi məlumat verib. Onun sözlərinə görə, 2 ay əvvəl müsabiqənin saytı yaradılıb və elan verilib. Bundan sonra sayta əsərlər daxil olmağa başlayıb. Münsiflər heyəti yaxşı əsərlər arasında seçim edib. Müsabiqənin əsas məqsədi insanları koronavirus xəstəliyi qarşısında dəstəkləmək, onlara ruh yüksəkliyi gətirməkdən ibarət idi. Sayta Türkiyə, İndoneziya, Çin, Serbiya, Pakistan, Braziliya, Hindistan, Rusiya və digər ölkələrdən karikatura əsərləri daxil olub.

Müsabiqəni internet üzərindən 1 milyon 340 min adam izləyib və rəylərini bildiriblər. Həmin rəylər əsasında qaliblər də müəyyən ediləcək.

Rabil Kətanov

AZƏRTAC-ın xüsusi müxbiri

Tehran