CƏMİYYƏT
İrandan Türkiyəyə narkotik vasitə və psixotrop maddənin aparılmasının qarşısı alındı
Bakı, 6 mart, AZƏRTAC
Naxçıvan Baş Gömrük İdarəsinin Əməliyyat və İstintaq İdarəsinin əməkdaşları narkotik vasitələrin və psixotrop maddələrin qaçaqmalçılıq yolu ilə ölkə ərazisinə keçirilməsi cəhdinin qarşısını alıblar.
Dövlət Gömrük Komitəsindən (DGK) AZƏRTAC-a bildirilib ki, “Culfa” gömrük postunda ölkə ərazisindən tranzit keçməklə İran İslam Respublikasından Türkiyə Respublikasına gedən “Mercedes-Benz” markalı yük nəqliyyat vasitəsinin sürücüsü şəxsi yoxlamaya cəlb edilib. Bu zaman sürücünün üzərindən təmiz çəkisi 1.452 qram marixuana, 3.066 qram metamfetamin, 6.199 qram həşiş qətranı aşkar edilib.