İRAQ HÖKUMƏTİ QƏDİM ŞUMER MƏDƏNİYYƏTİNİN OĞURLANMIŞ ABİDƏLƏRİNİ ÖLKƏYƏ QAYTARIR
Onun sözlərinə görə, eramızdan əvvəl III minilliyə aid artefaktlar böyük tarixi və mədəni dəyərə malikdir. Bu tapıntıları qaytarmaq yerli sakinlərin və din xadimlərinin, habelə regionda yerləşdirilmiş İttaliya hərbi qulluqçularının səyləri sayəsində mümkün olmuşdur. Onlar qədim dövrün bu misilsiz fraqmentlərini yerli bazarlarda satışa çıxarılmış mallar arasında aşkar etmişlər. Məhkəmə satıcılara 6 aydan 2 ilədək həbs cəzası kəsmişdir.
Əl-Həmdani demişdir ki, indi bu abidələr Bağdad muzeyində saxlanılacaqdır. Lakin indi artefaktları yenidən oğurlamağa cəhd göstərilir. Belə ki, qiymətli yükü İraq paytaxtınadək müşayiət edən altı polis nəfəri quldurlar tərəfindən öldürülmüşdür.
Müharibə başlanandan bəri Yer üzündə ilk sivilizasiyaların abidələrinin toplandığı dünyanın ən iri xəzinələrindən biri olan İraq Milli Muzeyindən 15 mindən çox eksponat oğurlanmışdır. Sonralar onlarca fraqment qaytarılmışdır. Kolleksiyada şumer-akkad və Assuriya-Babilistan mədəniyyətlərinin 600 mindən artıq çox qiymətli abidəsi vardı. Minlərlə artefakt artıq ABŞ-ın şəxsi muzeylərini bəzəyir. Mindən çox artefaktın yeri müəyyən edilmişdir və indi onların vətənə qaytarılması üçün ABŞ ilə danışıqlar aparılır.
Bölmənin digər xəbərləri
