İRAQDA TÜRKİYƏLİ GİROV AZAD EDİLMİŞDİR
İraq yaraqlıları yük maşınının sürücüsü Məhməd Dayarı iyulun 19-da girov götürmüşdülər. ABŞ qoşunları üçün yük daşıyan həmin maşının ikinci sürücüsü basqın zamanı öldürülmüşdür. Dayar ondan bir daha İraqa qayıtmayacağı barədə vəd alındıqdan sonra buraxılmışdır.
Elə həmin gün “Küveyt ənd Qalf link” şirkətinin müqaviləsi əsasında bu ölkədə işləyən 7 nəfər əcnəbi sürücünün azad edilməsi şərtləri barədə İraq tayfalarından olan şeyxin vasitəçiliyi ilə danışıqlar başlanmışdır. Yaraqlıların bundan əvvəl girovlardan birini iyulun 31-də edam etməklə hədələmələrinə baxmayaraq, şirkətin nümayəndələri nikbindirlər. Bu həftənin əvvəllərində İraqda girov götürülmüş 4 iordaniyalının ailə üzvləri və qohumları da onların tezliklə geri qayıdacaqlarına ümiddirlər.
Bölmənin digər xəbərləri
