İRAQDA TÜRKİYƏLİ MÜHƏNDİSLƏRİ GÜLLƏLƏMİŞLƏR
Türkiyə vətəndaşlarını yaraqlılar italyan jurnalisti Entso Baldonini qətlə yetirdikdən sonra ertəsi gün öldürmüşlər. Abdualla Özdəmir və Əli Daşqın mühəndis işləyirdilər. Avqustun 25-də yaraqlılar onların təsvir olunduğu videoyazını göstərərək, girovları öldürməklə hədələmişdilər. Terrorçular koalisiya qoşunları ilə əməkdaşlıq edən türk şirkətindən İraqda fəaliyyətini dayandırması və 72 saat ərzində ölkəni tərk etməsi barədə ultimatum vermişdilər. Şirkət İraqı tərk etməyə razı olduğunu bildirsə də, bu, girovların həyatını xilas etməmişdir.
Hazırda İraqda daha bir neçə türk girov saxlanılır. Onların hamısı mühəndisdir.
