“İSLAM MƏDƏNİYYƏTİ VƏ AVROPA” MÖVZUSUNDA ELMİ KONFRANS
Azərbaycan Milli Elmlər Akademiyasının Mərkəzi Elmi Kitabxanası Misir Ərəb Respublikasının ölkəmizdəki səfirliyi ilə birgə “İslam mədəniyyəti və Avropa” mövzusunda elmi konfrans keçirmişdir.
Konfransda AMEA-nın Nizami adına Ədəbiyyat İnstitutunun baş elmi işçisi İmamverdi Həmidovun “Avropa ədəbiyyatına islam, ərəb təsiri”, filologiya elmləri doktoru, professor, Milli Məclisin deputatı Şamil Qurbanovun “Cəmaləddin Əfqani və Avropa mədəniyyəti”, kitabxananın əməkdaşları Zakirə Əliyevanın “İslam sivilizasiyası və mədəni, mənəvi dəyərlər”, Aida Hüseynovanın “Kitabxananın Şərq ədəbiyyatı şöbəsinin fəaliyyəti, ərəb dünyası ilə əlaqələr” mövzularında məruzələri dinlənilmişdir.
Məruzələrdə və müzakirələrdə dünya sivilizasiyasında ərəb mədəniyyətinin ilkinliyi, onun Avropaya təsiri və sair məsələlər barədə ətraflı söhbət getmişdir.
Misir Ərəb Respublikasının ölkəmizdəki səfirliyinin mədəniyyət bürosunun müdiri Samiyə xanım konfransda çıxış edərək, ərəb ədəbiyyatı və mədəniyyətini dərindən öyrəndikləri və təbliğ etdikləri üçün Azərbaycan alimlərinə minnətdarlığını bildirmişdir.
Bölmənin digər xəbərləri
