İspaniyada 3,83 milyon işsiz var
Madrid, 4 noyabr, AZƏRTAC
Oktyabr ayında İspaniyanın əmək bazarında işsizlərin sayı 1,31 faiz artaraq, 3,83 milyona bərabər olub. COVID-19 pandemiyası və onunla bağlı ilk tədbirlər görülməyə başlayandan bəri işsizlərin sayı 579 min nəfər artıb.
AZƏRTAC xəbər verir ki, İspaniya hökuməti qısamüddətli və ortamüddətli perspektivdə vətəndaşların məşğulluğu məsələsi ilə əlaqədar qeyri-müəyyənliyin çox olmasını etiraf edir, lakin koronavirusun ikinci dalğası ərəfəsində əlavə tədbirlər tətbiq olunmasını istisna edir.
Sentyabr ayında dövlət işsizlər üçün müavinət kimi 2 milyard avrodan artıq vəsait ayırıb.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
