İsrail Sankt-Peterburqdakı baş konsulluğunun fəaliyyətini dayandırıb
Moskva, 3 mart, AZƏRTAC
İsrailin Rusiyanın Sankt-Peterburq şəhərindəki baş konsulluğu martın 2-dən etibarən konsulluq xidmətlərini növbəti xəbərdarlığa qədər müvəqqəti olaraq dayandırıb.
AZƏRTAC xəbər verir ki, müvafiq bəyanat diplomatik nümayəndəliyin rəsmi saytında dərc olunub. Bəyanatda qeyd olunur ki, konsulluq bölməsində fəaliyyətin bərpası vaxtı hələlik müəyyən edilməyib.
Vətəndaşlara konsulluğun rəsmi kanallarındakı yenilikləri izləmək tövsiyə olunur. Sənədlərin işlənməsi, vizalar və digər konsulluq prosedurları ilə bağlı məsələlər müvəqqəti olaraq əlçatan deyil.
Mediada yayılan məlumatlara görə, baş konsulluğun fəaliyyətinin dayandırılması qərarı beynəlxalq vəziyyətin gərginləşməsi ilə üst-üstə düşüb.
Fəridə Abdullayeva
AZƏRTAC-ın xüsusi müxbiri
Moskva-
Bölmənin digər xəbərləri
