İsveç klubunun futbolçusu: “Qarabağ”la görüş ilin ən vacib oyunudur
Bakı, 11 dekabr, AZƏRTAC
“Qarabağ”la oyuna hazırıq”.
AZƏRTAC xəbər verir ki, bu sözləri İsveçin “Elfsborq" komandasının futbolçusu Əhməd Qasım UEFA Avropa Liqasının əsas mərhələsində “Qarabağ”la keçirəcəkləri VI turun oyunu barədə danışarkən deyib.
O, matçın çətin keçəcəyini bildirib: “Oyunumuzda yüksək intensivliyi qoruyub saxlamalıyıq. “Qarabağ” ciddi komandadır. Rəqib hücumda təhlükəli mübarizə aparır. Bu, ilin ən vacib oyunudur. Əgər pley-offda oynamaq istəyiriksə, qalib gəlməliyik”.
Qeyd edək ki, “Elfsborq”-“Qarabağ” oyunu dekabrın 12-də Bakı vaxtı ilə saat 00:00-da start götürəcək.
Bölmənin digər xəbərləri
