İsveç uşaqlıq boynu xərçənginə qalib gələn ilk ölkə ola bilər
Stokholm, 20 may, Nərgiz Cəfərli, AZƏRTAC
İsveçdə hər il təxminən 530 qadın uşaqlıq boynu xərçəngindən əziyyət çəkir və hər üç gündə bir qadın ölür.
AZƏRTAC xəbər verir ki, hazırda İsveçin dünyada xərçəngin bu növünü tamamilə aradan qaldıran ilk ölkə olmaq şansı var.
Xəstəliyə insan papilloma virusu (İPV) səbəb olur ki, bu virus hər il 1100-ə yaxın müxtəlif növ xərçəngə səbəb olur. Bunun da 500-dən çoxu uşaqlıq boynu xərçəngidir.
Xəstəliyi dayandırmaq üçün İsveçdə genişmiqyaslı peyvənd proqramına başlanılıb.
Bu il iyunun 30-dək 1994-1999-cu il təvəllüdlü qadınlar İPV-yə qarşı pulsuz peyvənd oluna bilərlər. Hazırda tələb olunan minimum 70 faizin təxminən 59 faizi peyvənd olunub. İyunun 30-dan sonra peyvəndin qiyməti təxminən 6 min İsveç kronu (təxminən 550 dollar) təşkil edəcək.
Kampaniya çərçivəsində mayın 22-dən ölkə üzrə bir sıra kinoteatrlarda peyvənd olunmaq mümkün olacaq. Peyvənd pulsuzdur, hədiyyə olaraq isə kino bileti təqdim olunur.
Təşəbbüs Xərçənglə Mübarizə Fondu (Cancerfonden), Capio tibbi şəbəkəsi, Filmstaden kinoteatrlar şəbəkəsi və İsveçin bütün 21 regionu tərəfindən dəstəklənir.
Bəzi bölgələrdə 2000-2001-ci il təvəllüdlü qadınlar da pulsuz peyvənd oluna bilər.
Bölmənin digər xəbərləri
