İsveçrə XİN: Ukrayna üzrə sülh dialoqunda Rusiyanın iştirakı ilə bağlı razılıq əldə edilib
Bakı, 10 iyun, AZƏRTAC
Bütün tərəflər Ukrayna üzrə sülh dialoqunda Rusiyanın iştirak etməsinin zəruriliyi ilə razıdır, lakin bunun nə vaxt baş tutmasına dair konsensus yoxdur.
AZƏRTAC xəbər verir ki, bu sözləri İsveçrənin xarici işlər naziri İqnasio Kassis mətbuat konfransında deyib.
“Aydındır ki, Rusiya bu prosesdə iştirak etməlidir. İsveçrənin Bürgenstok kurortunda keçiriləcək konfrans sülhə aparan yolun yalnız başlanğıc nöqtəsidir. Proses həftələr və aylarla uzana bilər, nəticəsini isə gələcək göstərəcək”, - deyə İgnasio Kassis bildirib.
Avropalı diplomat, həmçinin İsveçrənin gələcəkdə ikinci mümkün konfransa ev sahibliyi etmək hüququnu başqa dövlətə verə biləcəyini də vurğulayıb.
Bölmənin digər xəbərləri
