İtaliya millisi Millətlər Liqasının bürünc medalını qazanıb

18.06.2023 [19:39]
Çap et
A⁺ A^-

Bakı, 18 iyun, AZƏRTAC

Niderland və İtaliya yığmaları arasında Millətlər Liqasında üçüncü yer uğrunda görüş başa çatıb.

AZƏRTAC xəbər verir ki, Niderlandın Enşel şəhərindəki “Qros Veste” stadionunda keçirilən görüş italiyalıların 3:2 hesablı qələbəsi ilə başa çatıb.

Altıncı dəqiqədə italiyalı müdafiəçi Federiko Dimarko hesabı açıb. 20-ci dəqiqədə yarımmüdafiəçi David Frattesi italyanların üstünlüyünü artırıb. Niderlandlı yarımmüdafiəçi Stiven Berqveyn 68-ci dəqiqədə fərqi minimuma endirib, lakin Federiko Kyeza 73-cü dəqiqədə İtaliyanın iki qol fərqini bərpa edib. 90-cı dəqiqədə niderlandlı yarımmüdafiəçi Georginio Vijnaldum komandasının ikinci qolunu vurub.

Beləliklə, İtaliya komandası Millətlər Liqasının bürünc medallarını qazanıb.

Bu gün Millətlər Liqasının final oyununda İspaniya və Xorvatiya milli komandaları qarşılaşacaq. Oyun Bakı vaxtı ilə saat 22:45-də başlayacaq.