İTALİYADA 28 MAY – RESPUBLİKA GÜNÜ MÜNASİBƏTİLƏ RƏSMİ QƏBUL TƏŞKİL OLUNMUŞDUR

27.05.2006 [18:51]
Çap et
A⁺ A^-

Azərbaycanın İtaliyadakı səfirliyindən AZƏRTAC-a verilən məlumata görə, Romanın “Aldrovandi Palace” mehmanxanasında səfirlik və Azərbaycan Hava Yolları Dövlət Konserninin Milandakı nümayəndəliyi tərəfindən 28 May – Respublika günü münasibətilə rəsmi qəbul təşkil edilmişdir.

Tədbirdə İtaliya Respublikası Prezidenti Aparatının, Nazirlər Şurasının, Senatın və Deputatlar Palatasının, nazirliklərin, Romadakı diplomatik korpusun təmsilçiləri, iş adamları, Azərbaycan icmasının nümayəndələri iştirak etmişlər.

Azərbaycan Respublikası Kənd Təsərrüfatı və Vergilər nazirliklərinin dəstəyi ilə təqdim olunan milli mətbəximizin nümunələri tədbir iştirakçılarında maraq doğurmuşdur.

Qəbulda Azərbaycan haqqında film, fotoşəkillər nümayiş etdirilmiş, qonaqlara ölkəmizlə bağlı kitablar, broşurlar hədiyyə olunmuşdur.