İtaliyada keçən il inflyasiya göstəricisi artıb
Roma, 17 yanvar, AZƏRTAC
İtaliyada 2024-cü il ərzində inflyasiya səviyyəsi 1 faiz artıb. 2023-cü ildə bu göstərici 5,7 faiz olub.
AZƏRTAC xəbər verir ki, bu barədə İtaliya Milli Statistika İnstitutu (ISTAT) məlumat yayıb. Bildirilir ki, ötən ilin dekabr ayında isə inflyasiya səviyyəsi əvvəlki aya nisbətən 0,1 faiz, illik müqayisədə isə 1,3 faiz artıb.
Enerji məhsullarının qiymətləri inflyasiya göstəricisinə təsirsiz ötüşməyib. Belə ki, dekabrda tənzimlənən enerji qiymətlərində 11,9 faiz artım qeydə alınıb. Tütün məmulatları da daxil olmaqla bütün növlər üzrə milli istehlak qiymətləri indeksi illik əsasda 2 faiz artıb. Qida sektorunda qiymətlərin orta illik artımı isə 2,5 faiz təşkil edib.
İnflyasiya göstəricisinin 2025-ci ildə də artım tendensiyası göstərəcəyi proqnozlaşdırılır.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
