İTALİYAYA AFRİKADAN 333 QEYRİ-LEQAL MÜHACİR GƏLMİŞDİR
AZƏRTAC xəbər verir ki, İtaliyanın ANSA informasiya agentliyinin yaydığı xəbərə görə, iyulun 30-da gecə qeyri-leqal mühacirlərlə dolu olan üç gəmi bu ölkənin sahillərinə yan almışdır. Daha bir gəmi isə İtaliya sahilində iyulun 31-də lövbər salmışdır.
İtaliya polisi bildirmişdir ki, ölkəyə qeyri-leqal yolla gələnlərin əksəriyyəti Şimali Afrika dövlətlərindən olan şəxslərdir. Lakin onlar özlərini Fələstin və İraq vətəndaşları kimi təqdim edirlər.
Qeyri-leqalların hamısı Aralıq dənizindəki Lampeduza adası limanının immiqrasiya mərkəzində yerləşdirilmişdir. Polis onların şəxsiyyətini müəyyənləşdirir.
Bölmənin digər xəbərləri
